Il-Petrol Station Barra Wied Il-Ghajn
Dan l-aħħar smajna ħafna kummenti rigward ir-riġenerazzjoni ta’ Marsaskala b’argumenti preżentati minn dawk li huma favur u oħrajn li huma kontra x–xogħlijiet li qed isiru u li hemm propost li jsiru f’din il-lokalità. Iżda bejn kliem u fatti bla dubju hemm baħar jikkumbatti u dan ħareġ bl-aktar mod ċar meta dan l-aħħar faqqet il-proposta bombastika ta’ Petrol Station f’nofs il-Mediterran li issa tant qed nispiċċaw nisimgħu u nitkellmu dwarha. Filwaqt li uħud ġenwinament staqsew u qajmu argumenti dwar din il-proposta min-naħa l-oħra irrenja skiet perfett mill-istess nies li jopponu u joġġezzjonaw dak kollu li jsir f’din il-lokalità. Filwaqt li hemm uħud li huma ġenwini hemm dawk tas-soltu li jispikkaw u huma wkoll magħrufa li jopponu kollox sempliċiment minħabba l-għamad u l-partiġġjaniżmupolitiku tagħhom xejn inqas u xejn iktar. Tajjeb li wieħed ifakkar li kien proprju l-istess ġurnal Times of Malta li ħareġ b’dan it-titlu esklussiv ta’ Petrol Station f’nofs il-Mediterran u li din mhix xi invenzjoni jew spin tan-nies għaliex kien proprju l-istess Kap tal-Oppożizzjoni li uża dawn il-preċiżi kelmiet!
Allura bir-raġun li wieħed jistaqsi li filwaqt li l-Fast Ferry kien t’inkwiet kbir għal dawn l-individwi kif jista’ jkun li fuq proġett propost ta’ din il-portata lanqas biss ilissnu imqar kelma waħda dwar dan l-istess proġett?
Għaldaqstant ir-risposta tiġi weħidha grazzi għall-għamad u l-partiġġjaniżmu politiku tagħhom li issa aktar u aktar qed ikompli jtellef mill–kredibbiltà tagħhom stess. Bir-riżultat li filwaqt li jopponu Ferry li ser itejjeb il-konnettività u jnaqqas mill-użu tal-karozzi fl-istess ħin jiddefendu u jridu din il-Petrol Station F’nofs il-Mediterran kif proposta ġewwa Hurds Bankgħaliex sempliċiment proponiha l-partit favorit tagħhom. Mingħajr lanqas biss lesti mqar għal sekonda jqisu l-impatti kollha negattivi fuq l-ambjent ta’ madwarna li se jġib miegħu proġett ta’ din il-portata. Aktar u aktar ir-riskji li dan il-proġett iġib miegħu fl-eventwalità ta’ xi kunflitt armat li jista’ jinqala’ minn pajjiż partikolari fejn dan jista’ jagħżel li jattakka din il-pompa tal-petrol f’nofs il-Mediterran u d-diżastru ambjentali li dan kollu jista’ jġib miegħu!
Fuq dan il-punt tal-aħħar wieħed irid jinnota l-istqarrija tal-Marsaskala Residents Network(MRN) fejn esprimew it-tħassib ġenwin tagħhom dwar din il-Pompa tal-Petrol f’nofs il-Mediterran, proprju għaliex dan ser jimpatta negattivament fuq l-ambjent b’mod partikolari l-ekoloġija Marittima. Bir-riżultat li kif kwotat fl-istess stqarrija li kawża ta’ din l-attività li qed jipproponu ġewwa Hurds Bank, il-kurrenti ser jiffaċilitaw it-trasport ta’ sustanzi mniġġsadirettament lejn il-kosta tax-Xlokk. Xi jfisser dan? li kawża tar-reklamazzjoni tal-Art u s-sedimentazzjoni ser iwasslu sabiex jheddu l-bijodiversità u ċ-ċarezza tal-ilmijiet f’San Tumas u l-Munxar partikularment jiġifieri li inti li qed taqra dan l-artiklu ser tintlaqat direttament b’mod negattiv minn dan!
Punt ieħor importanti li tqajjem dwar dan il-proġett mill-istess MRN huwa relatat mal-impatt negattiv kawżat minn tniġġis ta’ strobju u dawl. Il-Ħidma industrijali ta’ dan il-proġett offshore ser twassal għal 24/7 ta’ tniġġis li ġej mid-dawl qawwi u kif ukoll storbju li ser ikomplu jiddeterjoraw il-ħajja tal-komunitajiet li jgħixu fix-Xlokk ta’ din il-Gzira jiġifieri tagħkom il-familji u r-residenti.
Qamar il-għaġeb meta konfrontati b’dan kollu wieħed jinnota s-skiet li jtarrax mill-forzi tas-soltu li jopponu kollox sempliċiment għall-partiġġjaniżmu politiku tagħhom xejn inqas u xejn iktar! L-unika ħaġa li kienu kapaċi joħorġu biha kienet sempliċment frażi waħda biss fejn qalulna biex inserrħu rasna. Faċilment tista’ sserraħ rasek meta tiftakar fil-Miżbla li b’impikaman-nies ta’ Marsaskala u l-familji tan-naħa t’isfel ta’ din il-Gżira ħallewlhom bieb u għatba ta’ l-istess lokalità. Minflok għalqu dan l-Impjant ħadmu kemm felħu biex ikomplu jkabbruhu jespanduh u li kien grazzi għalihom li l-Impjant kompla jilqa’ fih ammont kbir ta’ tunnellati ta’ skart b’detriment għas-saħħa tiegħek u t’uliedek!
